طريقة تنصيب سيرفر شخصي على حاسبتك

من طرف **صانع برامج** الأحد أبريل 18, 2010 3:58 pm

بسم الله الرحمن الرحيم

اليوم راح اشرح شلون تنصب على حاسبتك سيرفر شخصي قوي بحيث يعرض أقوى صفحات الانترنت مثل .aspx و .php و .jsp و ممكن أن تعتبرون هذا الشرح هوا مكمل للشرح مال زميلنا رظا ألشمري حيث انك لو جمعت بين الشرحين راح تكون سيرفر يعرض جميع أنواع الصفحات لأن الشرح مال زميلنا رظا ألشمري شمل البيرل Perl و أل اس اس آلSSL أل سي جي أي CGI و ألphp ولكن على أنظمة ويندوز 2000/ME/98 و أني راح اشرح أل php على أل XP لأن بيه system و system32 وهذا ما موجود بالأنظمة إلي تطرق إلها زميلنا رظا ألشمري لأنها تكون جامعتهم ثنينهم بفولدر واحد أسمه system, و هنا تكمن قوة أباتشي apache سيرفر حيث انه يعرض جميع أنواع الصفحات و أسهل و أقوى من أل IIS من إنتاج مايكروسوفت إلي يجي مع الوندوز يلا نبدي الشرح .

أول شي تروح تنزل apache_2.2.11-win32-x86-no_ssl.msi من الموقع الرسمي ماله على هذا لرابط .
http://httpd.apache.org/

ومن نفس الموقع هم تنزل mod_aspdotnet-2.2.0.2006-setup-r2.msi .

ثاني شي تروح تنزل apache-tomcat-6.0.18.exe من الموقع الرسمي ماله على هذا الرابط .
http://tomcat.apache.org/

بعدين من نفس الموقع تنزل mod_jk-1.2.28-httpd-2.2.3.so

ثالث شي تروح تنزل j2sdk-1_4_1_02-windows-i586.exe من الموقع الرسمي ماله على هذا الرابط (طبعاً اكو إصدارات احدث بس أني عندي هذا الإصدار من زمان و جاي يشتغل تمام ما بيه شي و طبعاً الإصدار 5 و الإصدار 6 أقوى وبيه إمكانيات جديدة ما موجودة بال 4 ) .

http://java.sun.com/

رابع شي تروح تنزل mysql-essential-5.0.45-win32.msi من الموقع الرسمي ماله على هذا الرابط .

http://dev.mysql.com/

ومن نفس الموقع تنزل mysql-connector-odbc-5.1.5-win32.msi
و من نفس الموقع تنزل mysql-connector-net-1.0.10.1.exe و راح تلاحظون انو اكو اصدارت احدث و يمكن واصلين لحد mysql-connector-net-6.1.1 بس ماكو مشكلة طباعاً شگد احدث أحسن لكن أني ما منزلها لي هسه (أنسى على طول أنسى انزلها ) .

خامس شي تروح تنزل php (نزل الإصدار الخامس فما فوق) من الموقع الرسمي ماله على هذا الرابط .

http://www.php.net/

ملاحظة :

- ألphp نزلها على شكل فايل مضغوط .zip و يرجى فك الضغط عنها و وضع كل الفايلات
إلي
بدخلها بفولد واحد أسمو php بالدرايف [C:\] يعني مثل هاي الصورة .

http://www.4shared.com/file/13520575...untitled2.html

- بالبداية نصبj2sdk-1_4_1_02-windows-i586.exe لأن إل apache tomcat ما يتنصب إذا ما إل j2sdk موجودة و انتبه هاي مو مثل الجافا إلي بالأقراص مال البرامج هذيچ jre يعني (java runtime environment) ولكن هاي jdk (java development kit) أو sdk
(software development kit) ثنينهم نفس الشي بس الأول هوا التسمية القديمة بعدين
گامو يسموها الاسم الثاني و إل jdk أو إل sdk تضم بداخلها إل jre .

- نصب الكل و عوف mod_aspdotnet-2.2.0.2006-setup-r2.msi لا تنصبه ما وكته
هسه .
- بعد تنصيب الphp و ال MySQL ممكن تنزل phpmyadmin لأدارة ال MySQL ولكن هذا الشي يسويك مدلل و ماتعرف تتعامل مع ال MySQL مباشرة ولهذا ما انصح باستعماله إلى ما تضبط التعامل مع ال MySQL مباشرة حتى تفهم أش جاي يصير بدخلها ومن تنطيها الأوامر شلون جاي تتنفذ و كيفية بناء قواعد البيانات و الجداول و الربط بين الجداول المختلفة في القاعدة الواحدة يعني سوالف البرايمري كي primary key و الفورگن كي foreign key .

يلا نبدي التنصيب و هوا تنصيب عادي مثل أي تنصيب يعني كلو نكست نكست من تصل مكان يطلب منك host name أو server name أو Domen name اكتب localhost و أذا باسورد اكتب الي يعجبك وهذا الشي سهل كلنا نگدر عليه لكن التعقيد هوا بربط كل المكونات مع بعض .

PHP

يلا أول ما نبدي بال php لأنها حلوة و مرتبة ( واني بعدني أعزب ) ندخل على الفولدر مالها إلي گلنا عليه بالدرابف C:\php\ و ننقل php5ts.dll إلى C:\WINDOWS\system32 و ننقل الفايل php.ini-dist إلى C:\WINDOWS\ و نغير اسه إلى php.ini و ننقل الفايل php5apache2_2.dll إلى الموديل مال ألapache على هذا المسار C:\Apache Software Foundation\Apache2.2\modules خلص شغل النقل هسه شلون نربطها مع إلapache نروح للapache على هذا المسار
C:\Apache Software Foundation\Apache2.2\conf و مناك نفتح الفايل httpd.conf انفحه بالنوت باد Notepad انزل لي جوا شوية شوية راح تلگي كلمات لود موديل وحدة جوا الاخرة أنت هم اكتب وحدة لل php مالك وإلى راح تكون بهذا الشكل
LoadModule php5_module modules/php5apache2_2.dll
اكتبها أخر وحدة حتى تميزها و تعرف مكانها بعدين دور على هذه الأسطر

#
#DirectoryIndex: sets the file that Apache will serve if a directory
.is requested.#
#
و بدل الي جواها بهاي الأسطر

<IfModule dir_module>
DirectoryIndex index.html index.htm index.php index.aspx
</IfModule>

و بعدين دور على هاي الأسطر

Some examples:#
ErrorDocument 500 "The server made a boo boo." #
ErrorDocument 404 /missing.html#
ErrorDocument 404 "/cgi-bin/missing_handler.pl"#
ErrorDocument 402 http://localhost/subscription_info.html#

و اكتب جواها هاي الأسطر

<IfModule mod_php5.c>
AddType application/x-httpd-php .php
AddType application/x-httpd-php .php3
AddType application/x-httpd-php-source .phps
</IfModule>
مبروك كملت إلphp .
Apache tomcat

هسه دور apache Tomcat بعد ما نصبته ولنفرض انك نصبيه على هذا المسار
C:\Apache Software Foundation\Tomcat 6.0 جيب هذا الفايل
mod_jk-1.2.28-httpd-2.2.3.so
إلي گلناك نزله من الموقع مال إلapache خوما نسيتم ؟ انقله إلى
C:\Apache Software Foundation\Tomcat 6.0\usr\lib64\apache2
و غير اسمه إلى mod_jk.so بعدين روح لهذا المسار
C:\Apache Software Foundation\Tomcat 6.0\conf و سوي فولدر جديد أسمو jk و بداخلو سوي فايل تكست جديد New Text Document.txt اكتب بيه هاي السوالف

#Define 1 real worker using ajp13
worker.list=ajp13
(Set properties for worker1 (ajp13#
worker.worker1.type=ajp13
worker.worker1.host=localhost
worker.worker1.port=8009

و من تخزنو غير أسمو من New Text Document.txt إلى worker.properties انتبه مو .txt راح يصير .properties انتبه على هاي الفقرة , بعدين روح إلى هذا الفولدر
C:\Apache Software Foundation\Tomcat 6.0\conf ومن عنده افتح هذا الفايل server.xml و هذا الفايل افتحه بالورد باد WordPad و بداخله نزل هاي السوالف

لكن انتبه مو تنزلها بأي مكان وهاي هيا تنزلها بعد هاي السالفة </Host> تنزل سوالفك إلى گلنا عليها , هسه طفي إلapache tomcat وارجع شغله من جديد راح تلگى فولد جديد بهذا المسار
C:\Apache Software Foundation\Tomcat 6.0\conf أسمو auto ادخل عليه راح تلگى فايل أسمو mod_jk.conf افتحه بالنوت باد Notepad و اشر الكل و سويلها كوبي copy و روح إلى هذا الفولد على هذا المسار C:\Apache Software Foundation\Apache2.2\conf و من عنده افتح الفايل httpd.conf بالنوت باد Notepad و انزل للنهاية أخر شي و سوي بيست paste و سوي ريستارت restart للapache و مبروك عليك إل java server page أو .jsp و معاها السرفليت servlet و هاي صفحات الانترنت مال الجافا و هيا مو جافا سكربت أنما هيا شي يختلف تماما عن الجافا سكربت وطبعاً لازم تكون منصب
j2sdk(j2sdk-1_4_1_02-windows-i586.exe ) على حاسبتك حتى يشتغلون السوالف مال الجافا .

ASP DotNET

هسه أجا دور الدوت نت Dot NET شغلتها حيل سهلة (هوا اكو شي لوا علاقة بمايكروسوفت إذا ما يصير سهل و تخرب المتعة الي بيه)

نصب هذا البرنامج mod_aspdotnet-2.2.0.2006-setup-r2.msi و بعدين روح للكونفگ مال إلapache هذا إلي كل مرة نفتحه بالنوت باد Notepadيمعودين شبيكم الي على هذا المسار
C:\Apache Software Foundation\Apache2.2\conf
من عنده افتح الفايل httpd.conf و أخر شي جوا السوالف مال apache tomcat جواها نزل هاي السوالف

#asp.net
LoadModule aspdotnet_module "modules/mod_aspdotnet.so"

AddHandler asp.net asax ascx ashx asmx aspx axd config cs csproj licx rem resources resx soap vb vbproj vsdisco webinfo

<IfModule mod_aspdotnet.cpp>
#Mount the ASP.NET /asp application
AspNetMount /SampleASP " طريقة تنصيب سيرفر شخصي على حاسبتك Vip700254

/SampleASP"
/SampleASP is the alias name for asp.net to execute #
" طريقة تنصيب سيرفر شخصي على حاسبتك Vip700254

/SampleASP" is the actual execution of files/folders in that location #

Map all requests for /asp to the application files #
Alias /SampleASP " طريقة تنصيب سيرفر شخصي على حاسبتك Vip700254

/SampleASP"
maps /SampleASP request to " طريقة تنصيب سيرفر شخصي على حاسبتك Vip700254

/SampleASP" #
now to get to the /SampleASP type http://localhost/SampleASP #
It'll redirect http://localhost/SampleASP to " طريقة تنصيب سيرفر شخصي على حاسبتك Vip700254

/SampleASP"#

Allow asp.net scripts to be executed in the /SampleASP example #
<Directory " طريقة تنصيب سيرفر شخصي على حاسبتك Vip700254

/SampleASP">
Options FollowSymlinks ExecCGI
Order allow,deny
Allow from all
DirectoryIndex index.htm index.aspx
default the index page to .htm and .aspx #
</Directory>

For all virtual ASP.NET webs, we need the aspnet_client files #
.to serve the client-side helper scripts#
AliasMatch /aspnet_client/system_web/(\d+)_(\d+)_(\d+)_(\d+)/(.*) "C:/Windows/Microsoft.NET/Framework/v$1.$2.$3/ASP.NETClientFiles/$4"
<Directory "C:/Windows/Microsoft.NET/Framework/v*/ASP.NETClientFiles">
Options FollowSymlinks
Order allow,deny
Allow from all
</Directory>
</IfModule>
asp.net#

و مبروك عليك إلasp.net .

ملاحظة : حتى تشتغل عندك صفحات ال aspx و سوالف ال DotNET لازم تكوم منصب
Dot net Framework الأول أو الثاني أو الثالث .

قائمة المسارات ( Pages Locations) :

- لعرض صفحات ال htm , html , php خلي هاي الصفحات على هذا المسار
C:\Apache Software Foundation\Apache2.2\htdocs .

- لعرض صفحات الjsp , servlet خلي هاي الصفحات على هذا المسار
C:\Apache Software Foundation\Tomcat 6.0\webapps\examples .

- لعرض صفحات الaspx خلي هاي الصفحات على هذا المسار
C:\SampleASP .

الفحص ( Testing ) :

- لفصح الphp نزل صفحة الtest.php من المرفقات و خليها على هذا المسار
C:\Apache Software Foundation\Apache2.2\htdocs
بعدين دوس على هذا الرابط http://localhost/test.php لازم يطلعلك معلومات عن ال php .

- لفحص الjsp , servlet دوس على هذا الرابط http://localhost/examples/ راح يطلعلك كلمتين وحدة أمثلة مال jsp والثانية أمثلة مال servlet افتح الأمثلة و شوفها تتنفذ لو لا.

- لفحص الaspx نزل صفحة ال index.aspx من المرفقات و خليها على هذا المسار
C:\SampleASP و بعدين دوس على هذا الرابط http://localhost/SampleASP/ لازم
تطلعلك صفحة مكتوب بيها Sample ASP.NET TEST بأحجام مختلفة و تكست بوكس
اسمو name و قائمة منسدلة بيها هاي الاختيارات one,two,three و submit lookup .

بالحقيقة مكان ما كل فايل مرة نفتحه بالنوت باد Notepad و مرة بالورد باد WordPad أني استعمل فد محرر نصوص مال لغات برمجية يغنيك عن كل هذا التعقيد و يعرضلك النصوص كلها بشكل حلو و ملونة مثل الكومبايلرات مال اللغات البرمجية لكن هوا بس لعرض النصوص البرمجية يعني ما يعالج البرامج و أسمو ConTEXTv0_986.exe تكدر تسوي عليه بحث بالگوگل و تنزله و هذا البرنامج جداً مفيد .

و أني ادري راح تسألون لعد لويش تعبنا و حمالنا الخط مالنا و نزلنا هذا الكونكتر
mysql-connector-net-1.0.10.1.exe راح أگللكم لا يمعودين لا تعبتم ولا هم يحزنون هذا الكونكتر حتى يربط سولف ال .net مع قاعدة البيانات MySQL للي يريد يسوي صفحات aspx بيها جداول مرتبطة بقاعدة بيانات من نوع MySQL مثل صفحة إل.aspx عندي بالصورة المرفقة حيث الإدخال يكون بصفحة .php و العرض يكون بصفحة .aspx و مثل ما نعرف الفيجوال ستوديو دوت نت تدعم SQL server مال مايكروسوفت و ألaccess هم مال مايكروسوفت الي تجي مع الأوفس و الاوراكل Oracle يعني ما تدعم MySQL و هذا الكونكتر تگدر تستعمله مع كل السوالف مال الفيجوال ستوديو دوت نت يعني الويب دفلوبر و السي شارب و السي بلص بلص و البيسك و ألجي بلص بلص يعني مع كل سوالف إل دوت نت Dot Net حتى إذا ردت تسوي فد بكچ منفصل عن الاباشي و غيره بس يحتاج قواعد بيانات و تحب تستعمل إلMySQL راح تلگي الحل بهذا الكونكتر مجر أن تسوي add reference و تختار MySql و تضيف هذا النيم سبيس namespace (using MySql.Data.MySqlClient طريقة تنصيب سيرفر شخصي على حاسبتك C2fae4bf5b091e338cdc4ad7500c534d

و هذا النيم سبيس namespace
(using MySql.Data.Types طريقة تنصيب سيرفر شخصي على حاسبتك C2fae4bf5b091e338cdc4ad7500c534d

طبعاً هاي النيم سبيسز namespaces بالسي شارب.

ولهذا يعد هذا الكونكتر حيل مهم للي يريد يبتعد عن الدلال مال مايكروسوفت, و طبعاً اكو كونكتر ثاني للجافا مع إلMySQL يعني يخلي إلMySQL تتعامل مع السوالف مال جافا مثل الجافا أبليت و جافا سيرفر بيج .jsp و الجافا سيرفليت servlet صحيح أني جاي ادرس الجافا حاليا بس ما منصبه لحد ألان و اسمه mysql connector java أو تحت اسم jdbc و تلگاه بالموقع مال MySQL بهذا البكچ المضغوط mysql-connector-java-5.1.7.zip و أنشاء الله إذا نصبتو و ربطتو مع بقية السيرفر راح انزل ملحق لهذا الشرح بيها .

طبعاً بدايتي ويا أل php و إل apache كانت بهدف الهكر بالحقيقة وممكن تلاحظون هذا الشي من اسم الجدول إلي يعرض من قاعدة البيانات أو صفحة إل .aspx و بعدين تطورت إلى الفائدة و المعرفة و ربما إلى التخصص بالمستقبل, وشوفوا هاي الصورة من حاسبتي وشلون كل الصفحات مفتوحة سويه

http://www.4shared.com/file/13520595.../untitled.html

يمكن الصورة شوية ازدحام يعني ما بيها مجال أو فراغ و يمكن هسه تگولون هذا شگد جلف و فگري بالچذب ما سواها صفحتين بس أني متعمد سويت هذا الشي حتى تتأكدون أنو جميع الصفحات انفتحت من نفس السيرفر بوقت واحد يعني لو كل صورة صفحة كان يمكن واحد يشك و يگول هاي كل صورة من سيرفر شكل مو كلهم من نفس السيرفر .
معلومة مفيدة :

- للتعامل مع الحروف العربية ضع هذا الهدر في الهدر مال الhtml يعني بين <head> و </head> الهدر هوا
( <meta http-equiv="Content-Type" content="text/html; charset=utf-8 /" > )
ويمكن أن تستعمل التشفير windows-1256 أو iso-1256 بدل من utf-8

- لكي تهيء ال MySQL للتعامل مع الحروف العربية ضع هذا السطر من ال php بعد الكونكشن connection مالك مع MySQL
( ;( mysql_query("set names 'utf8';")

- لعمل ريفرشrefresh مستمر للصفحة يعني إذا تريد خليها بالصفحة مالك و هيا من حالها تسوي رفرش حتى تعرف اش جاي يتغير يالجدول مالك يعني الادخالات الجديدة لحظة بلحظة و يستعمل ايظاً مع عرض الوقت ( لكن هناك سكربت جاهز للساعة يغنيك عن الرفرش ولا يحبب استعمال الرفرش لأنه يأخر الصفحة يعني لازم تتحمل الصفحة كلها من جديد ولهذا يفضل استعمال سكربت الساعة في هذه الحالة أما مع قواعد البيانات فالحل الوحيد إلي اعرفوه هوا الرفرش ) استعمل هذا السكربت ( جافا سكربت ) يمكن استعماله مع ال php
**********
<!--
//enter refresh time in "minutes:seconds" Minutes should range from 0 to inifinity. Seconds should range from 0 to 59
var limit="0:02"

if (document.images){
var parselimit=limit.split(":")
parselimit=parselimit[0]*60+parselimit[1]*1
}
function beginrefresh(){
if (!document.images)
return
if (parselimit==1)
window.location.reload()
else{
parselimit-=1
curmin=Math.floor(parselimit/60)
cursec=parselimit%60
if (curmin!=0)
curtime=curmin+" minutes and "+cursec+" seconds left until page refresh!"
else
curtime=cursec+" seconds left until page refresh!"
window.status=curtime
setTimeout("beginrefresh()",1000)
}
}

window.onload=beginrefresh
//-->
</script>

طبعاً طلع مخربط لأن هوا انكليزي و الصفحة ستايل عربي حتى لو تحول على الانكليزي بس يظل الستايل عربي عموما هاي القيمة var limit="0:02" هيا التحدد الفترة بين رفرش و الثاني و السكربت موجود بالمرفقات .

- و هذا كود برنامجconsole صغير بالسي شارب C# يعرضلك قاعدة البيانات مالك من إل MySQLمالك تلگيه بالمرفقات بس هذا البرنامج ما يعرض الحروف العربية بس الحروف الانكليزية
( because it console ).

و أي سؤال أو استفسار حول الموضوع أني حاظر و بخدمة كل عراقي